पुणे, दि. 2: पनीर हा प्रथिनांचा उत्तम स्रोत मानला जातो. मात्र बाजारात वाढत्या भेसळीमुळे नकली किंवा भेसळयुक्त पनीर विकले जात असल्याच्या घटना समोर येत आहेत. असे पनीर आरोग्यासाठी हानिकारक ठरू शकते. त्यामुळे पनीर खरेदी करताना आणि वापरण्यापूर्वी काही सोप्या गोष्टींकडे लक्ष देणे आवश्यक आहे.
भेसळयुक्त पनीर कसे ओळखाल?
1. हाताने चुरून पाहाताजे आणि शुद्ध पनीर मऊ असते, पण सहज तुकडे होत नाही. जर पनीर हाताने चुरल्यावर खूपच भुसभुशीत होत असेल, तर ते भेसळयुक्त असण्याची शक्यता असते.
2. आयोडीन चाचणीपनीरचा छोटा तुकडा गरम पाण्यात उकळून थंड करा. त्यावर आयोडीनचे काही थेंब टाका. रंग निळा किंवा काळपट झाला तर त्यामध्ये स्टार्चची भेसळ असू शकते.
3. चव आणि वास तपासाशुद्ध पनीरला दुधाचा सौम्य वास आणि नैसर्गिक चव असते. तीव्र रासायनिक वास किंवा विचित्र चव जाणवत असल्यास ते पनीर वापरणे टाळावे.
4. पोत (Texture) पाहाशुद्ध पनीर मऊ, लवचिक आणि ओलसर असते. अतिशय रबरी, कडक किंवा प्लास्टिकसारखा पोत जाणवत असल्यास ते संशयास्पद मानावे.पनीर खरेदी करताना घ्या ही काळजीविश्वासार्ह दुकान किंवा नामांकित ब्रँडकडूनच पनीर खरेदी करा.पॅकबंद पनीर घेताना उत्पादन व कालबाह्यता (Expiry) तारीख तपासा.पनीर नेहमी योग्य तापमानात (रेफ्रिजरेशनमध्ये) साठवलेले आहे का, याची खात्री करा.संशयास्पद दिसणारे किंवा वास येणारे पनीर खरेदी करू नका.आरोग्याचा धोकाभेसळयुक्त पनीर खाल्ल्याने पोटदुखी, उलट्या, जुलाब, अन्नातून विषबाधा तसेच इतर आरोग्याच्या समस्या उद्भवू शकतात. त्यामुळे पनीरची गुणवत्ता तपासूनच त्याचा वापर करणे अधिक सुरक्षित ठरते.